पञ्चायत माविको वार्षिकोत्सव

सुन्दरहरैंचा । मोरङको सुन्दरहरैंचा–७ स्थित गोठगाउँमा रहेको  पञ्चायत माध्यमिक विद्यालयको ५९ औं वार्षिकोत्सब तथा अभिभावक दिवस सम्पन्न भएको छ ।

कार्यक्रममा नगर प्रमुख केदारप्रसाद गुरागाईले  सो विद्यालय त्यस क्षेत्रको पुरानो विद्यालय भएकोले यसको गुणस्तरमा ध्यान दिनुपर्ने उल्लेख गरे । कार्यक्रममा विद्यालयका प्रधानाध्यापक खगेन्द्र रायमाझीले वार्षिक प्रगति प्रतिवेदन प्रस्तुत गरेका थिए ।

कार्यक्रममा विद्यालयलाई योगदान गरे वापतमा विद्यालय व्यवस्थापन समितिका पूर्व अध्यक्ष टोमबहादुर श्रेष्ठ , रमेश भण्डारी र पूर्व प्रधानाध्यापक गुरुप्रसाद अधिकारीलाई सम्मान गरिएको थियो ।