आँखा विशेषज्ञ डा. रूइतलाई नगेन्द्रप्रसाद पुरस्कार

विराटनगर । नगेन्द्रप्रसाद–आशालता रिजाल प्रतिष्ठानले हरेक बर्ष प्रदान गर्दै आएको नगेन्द्रप्रसाद–आशालता रिजाल ज्ञानविज्ञान पुरस्कार यस बर्ष बरिष्ठ आँखा चिकित्सक डा. सन्दूक रूइतलाई प्रदान गरेको छ । यसैगरी नगेन्द्रप्रसाद–आशालता रिजाल शिक्षा पुरस्कार शंकराचार्य पीठवेदवेदाङ्ग संस्कृत पाठशाला झापालाई प्रदान गरिएको छ ।

प्रतिष्ठानले बिहीबार आयोजना गरेको एक कार्यक्रममा कोशी प्रदेशका प्रमुख परशुराम खापुङ्‌ग, प्रतिष्ठानकी अध्यक्ष इन्दिरा रिजाल लगायतले सो पुरस्कार प्रदान गरेका हुन् । पुरस्कारको राशी जनही एक लाख रुयैयाँ रहेको छ ।

प्रतिष्ठानले भाषा, साहित्य, कला, ज्ञानविज्ञान तथा धर्म संस्कृति एवम् शिक्षाका क्षेत्रमा विशिष्ट योगदान प्रदान गर्ने व्यक्ति र संस्थालाई बर्षेनी सम्मान तथा पुरस्कार प्रदान गर्दै आएको छ ।

पूर्व प्रधानमन्त्री स्वर्गीय नगेन्द्रप्रसाद रिजाल तथा उनकी धर्मपत्नी आशालता रिजालको सम्मानमा उनका परिवारजनले सो प्रतिष्ठान स्थापना गरेका  हुन् ।