चतराको पुलमा स्कुटर, घडी र मोबाइल पुलमा छोडेर युवक कोशीमा हामफाले

विराटनगर । सुनसरी र उदयपुर जोड्ने चतरा पुलबाट एकजना युवक कोशी नदीमा हामफालेर बेपत्ता भएका छन् । सोमबार अपरान्ह करिव साढे चार बजेतिर ती युवक पुलबाट हामफालेको प्रत्यक्षदर्शीले जनाएका छन् । 

पुलको बिच भागमा को ९ प ९८६५ नम्बरको स्कुटर रोकेर मोबाइल र घडीलाई पुलको डिलमा राखेर हामफालेको जनाइएको छ ।

उदयपुर र सुनसरीतर्फ पुलको दुवैतिर रहेको प्रहरीले युवकको खोजीका लागि प्रयास गरेपनि उनलाई कोशीले बगाएर लगेको प्रत्यक्षदर्शीहरूले बताए ।

युवकको पहिचान नखुलेको स्थानीय प्रहरीले जनाएको छ । प्रहरीले कोशी पुलमा जडान गरेको सिसिटिभी फुटेजमा पनि युवक हामफालेको देखिएको जनाइएको छ ।