साइकल यात्रीको मृत्यु

विराटनगर । मोरङको ग्रामथान गाउँपालिका–५ मा पिकअप गाडीको ठक्करबाट  एक साइकल यात्रीको मृत्यु भएको छ । 

बिहीबार बिहान को २ च २१७ नम्बरको दूध बोक्ने पिकअप गाडीले बाटो काट्दै गरेको साइकललाई ठक्कर दिंदा साइकलमा सवार ग्रामथान गाउँपालिका–३ का ५६ बर्षीय हुवालाल माझी घाइते भएका थिए । 

घाइते माझीलाई उपचारको लागि आर्या न्युरो अस्पताल विराटनगर लगिएकोमा उनको अस्पताल पुर्‍याउन साथ मृत्यु भएको थियो । 

ठक्कर दिने पिकअप र पिकअप चालक विराटनगर–१ का ३९ बर्षीय राजेश गुप्तालाई नियन्त्रणमा लिई जिल्ला प्रहरी कार्यालय मोरङबाट थप अनुसन्धान भैरहेको बताइएको छ ।