सिलाइ कटाइ तालिम शुरु

विराटनगर । कोशी प्रदेश प्रहरी श्रीमती संघको सक्रियता तथा कोशी प्रदेश प्रहरी कल्याणकोषको लगानीमा सञ्चालित सौन्दर्यकला तालिम  ‘चौथो समूह’ को समापन र सिलाई–कटाई तालिम ११औ समूहको उद्घाटन एकै साथ गरिएको छ ।

बिहीबार कोशी प्रदेश प्रहरी कार्यालय विराटनगरको सभाहलमा नेपाल प्रहरी श्रीमती संघकी अध्यक्ष लक्ष्मी कुँवरले पानसमा दीप प्रज्वलन गरेर तालिमको उद्घाटन गर्दै तालिमबाट सिकेका ज्ञानहरुलाई व्यबहारमा उतारी व्यावसायिक जीविकोपार्जन गर्नुपर्ने  बताइन् ।

६ महिने सिलाई कटाई तालिम ११औ समूहमा १८ जना प्रशिक्षार्थी सहभागी छन् ।  यसअघि पुस ४ गतेदेखि सञ्चालित ६५ दिने सौन्दर्यकला तालिममा ३६ जना प्रशिक्षार्थीहरु सहभागी भएका थिए ।