दुर्घटनामा दुईको मृत्यु

विराटनगर । मोरङ र उदयपुरमा सोमबार भएका सवारी दुर्घटना हुँदा दुई जना सवारी चालकको मृत्यु भएको छ । 

मोरङको बेलबारी नगरपालिका–८ मा सिलिङकन बोकेको को.२त ७५४८ नम्वरको ट्याक्टर अनियन्त्रित भई दुर्घटना हुँदा घाइते भएका ट्याक्टर चालक सुन्दरहरैंचा नगरपालिका–७ का २५ बर्षीय राजु तामाङको मृत्यु भएको प्रहरीले जनाएको छ ।

कोशी अस्पताल विराटनगरमा उपचारका क्रममा उनको मृत्यु भएको बताइएको छ । 

त्यसैगरी उदयपुरको त्रियुगा नगरपालिका–९ स्थित मदन भण्डारी लोकमार्गमा स.८ प ६६९५ नम्वरको मोटरसाइकल आफै अनियन्त्रित भई दुर्घटना हुँदा घाइते भएका मोटरसाइकल चालक त्रियुगा नगरपालिका–५ का ३५ वर्षीय इन्द्रदेव चौधरीको उपचारको क्रममा जिल्ला अस्पताल उदयपुरमा मृत्यु भएको प्रहरीले जनाएको छ ।