६९ औं प्रहरी दिवसमा उत्कृष्ट हुने प्रहरी कर्मचारीहरू पुरस्कृत

विराटनगर । कोशी प्रदेश प्रहरी कार्यालय विराटनगरले ६९ औं प्रहरी दिवसको अवसरमा विभिन्न विधामा उत्कृष्ट हुने प्रहरी कर्मचारीहरूलाई पुरस्कृत गरेको छ । 

कोशी प्रदेश सरकारका मुख्यमन्त्री हिक्मत कुमार कार्कीले उत्कृष्ट प्रहरी कर्मचारीहरूलाई पुरस्कार तथा प्रमाण पत्र वितरण गरेका हुन् ।

मुख्यमन्त्री कार्कीले पूर्वाधार निर्माणमा प्रदेश सरकार तथा स्थानीय निकायसँग समन्वय गरी महत्वपूर्ण योगदान पुर्याउने नेपाल प्रहरी विशेष सुरक्षा गण दुहवीका प्रहरी उपरीक्षक नारायण प्रसाद चिमरियालाई प्रहरी प्रधान कार्यालयले प्रदान गरेको पुलिस ब्याटन २०८१ र कोशी प्रदेश प्रहरी कार्यालय विराटनगरले प्रदान गरेको उत्कृष्ट व्यवस्थापन तर्फको पुरस्कार प्रदान गरेका हुन् ।

त्यसैगरी उत्कृष्ट अपराध अनुसन्धानकर्ता तर्फ जिल्ला प्रहरी कार्यालय मोरङको अपराध अनुसन्धान शाखामा कार्यरत प्रहरी निरीक्षक हेमराज ओली, उत्कृष्ट आन्तरिक प्रशिक्षणतर्फ कोशी प्रदेश प्रहरी तालिम केन्द्र रानी विराटनगरका प्रहरी निरीक्षक मिलन थापा, उत्कृष्ट लेखा तथा कल्याण तर्फ वडा प्रहरी कार्यालय विराटनगरका प्रहरी नायब निरीक्षक भीम बहादुर अधिकारी, कोशी प्रदेश प्रहरी बैण्ड शाखाका प्रहरी नायब निरीक्षक डिल्लिराम बिक पुरस्कृत भएका हुन् ।

उत्कृष्ट प्रबन्ध तर्फ जिल्ला प्रहरी कार्यालय तेह्रथुमका प्रहरी सहायक निरीक्षक वेग कुमार श्रेष्ठ, प्रहरी कार्य विपद् व्यवस्थापनमा उत्कृष्ट कार्य गर्ने प्रहरी सहायक निरीक्षक चुडामणि प्रधान, उत्कृष्ट लागूऔषध अपराध अनुसन्धानकर्ता इलाका प्रहरी कार्यालय काँकडभिट्टाका प्रहरी हवल्दार सन्तोष घिमिरे, उत्कृष्ट सङ्गठित अपराध अनुसन्धानकर्ता ट्राफिक प्रहरी कार्यालय इनरुवा सुनसरीका प्रहरी हवल्दार विशाल प्रधान, प्रशासनिक कार्य तर्फ उत्कृष्ट कार्य गर्ने कोशी प्रदेश प्रहरी कार्यालय विराटनगरका प्रहरी हवल्दार बिक्रम ढकाल, उत्कृष्ट आर्थिक अपराध अनुसन्धानकर्ता जिल्ला प्रहरी कार्यालय झापाका प्रहरी सहायक हवल्दार दीपक आचार्य, उत्कृष्ट अभिलेख व्यवस्थापनकर्ता कोशी प्रदेश प्रहरी कार्यालय विराटनगरका प्रहरी सहायक हवल्दार विक्रम दाहाल, उत्कृष्ट बाह्य प्रशिक्षक कोशी प्रदेश प्रहरी कार्यालय विपद् व्यवस्थापन गुल्म चन्द्रगढीका प्रहरी जवान तीर्थराज भट्टराई, उत्कृष्ट बाह्य प्रशिक्षक (महिला) कोशी प्रदेश प्रहरी तालिम केन्द्र विराटनगरका प्रहरी जवान प्रतिभा राई र उत्कृष्ट खेलाडी तथा प्रशिक्षक कोशी प्रदेश प्रहरी तालिम केन्द्र विराटनगरका प्रहरी जवान विसर्जन गुरुङलाई पनि पुरस्कार तथा प्रमाण पत्र प्रदान गरिएको जनाइएको छ ।