३० छात्राहरुले पाए साइकल

विराटनगर । विराटनगर महानगरपालिकाको १४ नम्बर वडा कार्यालयले ३० छात्राहरुलाई साइकल वितरण गरेको छ । २०७९ सालमा सामुदायिक विद्यालयबाट एसईई उत्तीर्ण गरेका छात्राहरुलाई वडा कार्यालयले बिहीबार साइकल वितरण गरेको हो ।

एसईई उत्तीर्ण गरेका छात्राहरुको उच्चशिक्षा अध्ययनका लागि सहज बनाउन ३० जना छात्राहरुलाई साइकल वितरण गरिएको सोही वडाका वडाध्यक्ष सूर्यनारायण महतोले जानकारी दिए । वडा कार्यालयले विभिन्न कारणले उच्च शिक्षा हासिल गर्न बन्चित भएका छात्राहरुलाई साइकल वितरण गरेको उनले बताए ।

नेकपा एमाले विराटनगर महानगर कमिटीका अध्यक्ष सागर थापाले छात्राहरुलाई साइकल हस्तान्तरण गरेका हुन् । छात्राहरुलाई साइकल वितरण गरिएका कारण वडाको शैक्षिक विकासमा सहयोग पुग्ने र बालिकाहरुलाई विद्यालय जानका लागि थप हौसला प्रदान भएको थाफाले बताए ।

वडाले दिएको साइकलका कारण आूुलाई उच्च शिक्षा अध्ययन गर्न जान सहज भएको साइकल प्राप्त प्राप्त गरेकी छात्रा सिवानी राउत बताइन् ।