शुभलक्ष्मीलाई मिस कोशीको उपाधि

विराटनगर । आठौं संस्करणको मिस कोशी २०२४  प्रतियोगिताको उपाधि सुनसरी इटहरीकी शुभलक्ष्मी राईले जितेकी छन् ।

सुनसरीको धरानमा शनिबार भएको प्रतियोगिताको फाइनलमा २४ जना प्रतिस्पर्धीलाई पछि पार्दै राईले उपाधि जितेकी हुन् । उपाधिसँगै उनले नगद १ लाख रूपैयाँ र विभिन्न उपहार जितिन् ।

त्यसैगरी धरानकी निशा हङ्मा लिम्बू फस्ट रनरअप र झापाकी निगम मोक्तान सेकेण्ड रनरअप घोषित भइन् ।

थर्ड रनरअप जुम्लाकी कृति बस्नेत र चौथो रनरअप इटहरीकी स्वस्तिका राईले जितिन् ।

जय मिडिया म्यानेजमेन्ट प्रालिको आयोजना भएको प्रतियोगिताको फाइनलमा २५ जना प्रतियोगीहरू पुगेका थिए ।