एसईईमा मोरङबाट १८ जना विद्यार्थीले ल्याए ४ जीपीए (नामसहित)

विराटनगर । शुक्रबार साँझ सार्वजनिक भएको एसईई परीक्षाको नतिजा अनुसार मोरङबाट १८ जना विद्यार्थीले ४ जीपीए ल्याएका छन् ।

जीपीए ल्याउने विद्यार्थीहरूमा सामुदायिक भन्दा संस्थागत विद्यालयका धेरै छन् ।

सामुदायिक विद्यालयतर्फ विराटनगरको आदर्श माविबाट सवैभन्दा धेरै ४ जना र संस्थागततर्फ पनि विराटनगरकै बाल कल्याण विद्या मन्दिर मावि (विकेभीएम) बाट ६ जनाले ४ जीपीए ल्याएको शिक्षा विकास तथा समन्वय इकाइ मोरङले जनाएको छ ।

सामुदायिकतर्फ आदर्शका ४ जना र पोखरिया माविका १ जना गरी कुल ५ जना विद्यार्थीले ४ जीपीए ल्याए । संस्थागततर्फ विकेभीएमका ६ जना, एभरेष्ट माविका २ र बाल्मिकी मेमोरियल बोर्डिङ स्कुल पथरीका २ जना विद्यार्थीले ४ जीपीए ल्याएका छन् ।

त्यसैगरी विराटनगरको कान्तिपुर सेकेन्डरी स्कुल र सगरमाथा सेकेण्डरी बोर्डिङ स्कुलका १/१ जना विद्यार्थीले पनि ४ जीपीए ल्याएको जनाइएको छ ।