धरानबाट चक्रघट्टी जाँदै गरेको बस रुखमा ठोक्कियो

विराटनगर । सुनसरीको धरानबाट चक्रघट्टीतर्फ जाँदै गरेको बस रुखमा ठोक्किएर दुर्घटना भएको छ । 

बिहीबार अपरान्ह करिव १ बजेतिर दुर्घटना भएको जनाइएको छ ।

बा २ झ २००७ नम्बरको यात्रु बस सडक किनारमा रहेको सालको रुखमा ठोक्किएको हो । बसका यात्रुहरू घाइते भएका छन् । केहिको खुट्टा समेत भाँचिएको जनाइएको छ ।

सडकमा गुडिरहेको अवस्थामा सर्दु र बाङ्गेको बिचमा पर्ने जंगलमा अनियन्त्रित भएर दुर्घटना भएको जनाइएको छ ।