हराएर भेटिएका १० मोटरसाइकल र दुईवटा गाडी हस्तान्तरण

सुनसरी । विभिन्न मितिमा हराएका १० वटा मोटरसाइकल र २ वटा चारपाङग्रे सवारी साधन खोजी गरी ट्राफिक प्रहरीले वुधबार सम्बन्धित धनीलाई हस्तान्तरण गरेको छ ।

बुधबार आयोजित एक कार्यक्रममा राजमार्ग सुरक्षा तथा ट्राफिक व्यव्स्थापन कार्यालय इटहरीका प्रमुख प्रहरी उपरीक्षक सरोज पौडेले फेला परेका सवारी साधन सम्बन्धित धनीलाई हस्तान्तरण गरेका हुन् ।

नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीमा  प्राप्त निवेदनका आधारमा खोजी गर्ने क्रममा, केही वास्तविक नम्बर प्लेटमै र केही नक्कली नम्बर प्लेट राखेको अवस्थामा  सुनसरीको धरान, इटहरी, मोरङको विराटनगर, पथरी, लेटाङ र झापाको बिर्तामोड, दमक, झिलझिले लगायतका स्थानमा सवारी साधन ट्राफिक प्रहरीले फेला पारेको थियो ।

अवैध रुपमा नेपाल भित्रिएका २ वटा सवारी साधन, अन्य २ मोटर साइकल आवश्यक कारवाही प्रक्रियामा रहेको र ६ वटा सवारी साधन सम्बन्धित सवारी धनीलाई बुझाइएको थियो ।