एकल विद्यालय कार्यकर्ता भेला

विराटनगर । जनकल्याण प्रतिष्ठान प्रतिष्ठानबाट सञ्चालित एकल विद्यालय अभियान नेपालको आयोजनामा अन्तर्राष्ट्रिय कार्यकर्ता सम्मेलन विराटनगरमा सम्पन्न भएको छ । तीनदिने सो सम्मेलनमा नेपाल, भारत, भुटान, जर्मनी, अमेरिका, बेलायत र भुटानका करिव ६ सय  कार्यकर्ताहरूको सहभागिता रहेको जनाइएको छ ।

उद्योगी वेनीगोपाल मुन्दडाको संयोजकत्वमा भएको कार्यक्रममा एकल विद्यालय अभियान कोशी प्रदेश अध्यक्ष जीतेन्द्र राठी लगायतले सम्मेलनमा आएका प्रतिनिधिलाई स्वागत गरेका थिए ।

सो अवसरमा सुप्रसिद्ध स्वामीनारायण मन्दिर अक्षरधाम नयाँ दिल्लीका उत्प्रेरक एवम् प्रखर वक्ता डा ज्ञानवत्सल स्वामी लगायतले सम्वोधन गरेका थिए ।

दाताको सहयोगमा सञ्चालित एवम् नेपालमा स्वीकृत प्राप्त संस्था एकल विद्यालयमा अध्ययनरत विद्यार्थीहरूले हिन्दु धर्म र संस्कृतिको संरक्षण र प्रचारप्रसार कार्यमा जुट्दै आएका छन् ।

नेपालमा एक हजार २८ वटा एकल विद्यालय सञ्चालनमा छन् । एकल विद्यालय अभियानको नामबाट ३० वर्षभन्दा बढि समयदेखि गाउँगाउँमा एकल विद्यालय सञ्चालन भइरहेका छन् ।