जितिया फोटो प्रतियोगिताका विजेता घोषणा

विराटनगर । अप्पन विराटगढ परोपकार समाज विराटनगरले आयोजना गरेको जितिया फोटो प्रतियोगिताका विजेताहरूको नाम घोषणा गरिएको छ ।

जितिया पर्वको अवसर पारेर आयोजना गरिएको सो प्रतियोगितामा समाजको फेसबुक पेजमा राखिएका फोटोमा आएका लाइक र कमेन्टका आधारमा विजेता घोषणा गरिएको हो ।

प्रतियोगितामा सप्तरीको राजविराज–८ की उषा झाले प्रथम स्थान हासिल गरेकी छन् । उनको फोटोमा ९०७ लाइक र ८२० वटा कमेन्ट पाएको समाजले जनाएको छ । यस्तै ६७० लाइक र ५४० कमेन्ट पाएकी विराटनगर–१२ की पूजा झाले दोस्रो स्थान प्राप्त गरेकी छन् । यस्तै ५२० लाइक र ४०० कमेन्ट पाएर विराटनगर–१४ की सन्जु साह तेस्रो भइन् । फोटो प्रतियोगितामा १ सय १ जनाले सहभागिता जनाएको बताइएको छ ।

प्रतियोगितामा सहभागी हुनेले साडी वा मैथिली संस्कृति झल्कने पहिरन लगाएको फोटो पठाउन भनिएको थियो । प्रतियोगितामा सहभागीहरूका लागि लाइक र कमेन्टका लागि ५ दिनको समय दिइएको जनाइएको छ ।

प्रतियोगितामा प्रथम हुनेलाई ५ हजार , द्वितीय हुनेलाई २ हजार ५ सय र तेस्रो हुनेलाइ १ हजार ५ सय नगद पुरस्कार दिइने आयोजक समितिका सल्लाहकार राजेश झाले बताए । विहीबार हुने जितिया समारोहमा उनीहरूलाई पुरस्कार दिइने उनले जानकारी दिए ।