नालीमा डुबेर बालकको मृत्यु

विराटनगर । उदयपुरको लिम्चुङबुङ गाउँपालिका–४ बलम्ता घर भई अहिले त्रियुगा नगरपालिका–३ मोतिगडामा बस्दै आएका देवान राईको दुईवर्षे छोरा योङहाङ राईको नालीमा डुबेर ज्यान गएको छ । 

सोमबार दिउँसो करीव साढे १ बजेतिर खेल्ने क्रममा नालीमा जमेको पानीमा डुबेका बालक मृत अवस्थामा भेटिएको जिल्ला प्रहरी कार्यालय उदयपुरले जनाएको छ । 

घटनास्थलमा प्रहरी निरीक्षक बिष्णुबहादुर खड्काको कमाण्डमा खटिएको प्रहरी टोलीले अनुसन्धान अघि बढाएको र शवलाई पोष्टमार्टमका लागि जिल्ला अस्पताल पठाइएको जनाइएको छ ।