मानवसेवा आश्रमलाई पाँच लाख अर्पण

विराटनगर । मानव सेवा आश्रम विराटनगरको भवन निर्माण सहयोगार्थ लोहिया परिवारले ५ लाख ११ हजार एक सय एघार रुपैयाँ रकम अर्पण गरेका छन् ।

विराटनगर निवासी ललीतकुमार, जीतेन्द्रकुमार, दीपककुमार र  सुनिलकुमार लोहियाले आफ्ना स्वर्गीय बाबुआमा भगवान दास र सावित्रीदेवी लोहियाको सम्झनामा मानवसेवा आश्रम विराटनगरको भवन निर्माणमा तीब्रता दिन एक कोठा निर्माणको निम्ति सो रकम अर्पण गरिएको बताइएको छ ।

मानवताको सेवालाई अझ प्रेरणा दिन सो आश्रमलाई रकम प्रदान गरिएको जनाइएको छ ।