पथरीको चिउरा मिलमा आगलागी, डेढ करोडको क्षति

विराटनगर । मोरङको पथरीशनिश्चरे नगरपालिका–१ बुद्धचोकस्थित कोशी चिउरा मिलमा आगलागी हुँदा डेढ करोड रुपैयाँ बराबरको क्षति भएको छ ।

गएराती भएको आगलागीबाट मिल मेसिनरीसहित त्यहाँ राखिएको खाद्यान्न पनि जलेर नष्ट भएको छ ।

पथरीशनिश्चरे, उर्लाबारी, कानेपोखरी र बेलबारी नगरपालिकाबाट गएको दमकलले दुई घण्टा लगाएर आगो निभाउन मद्दत गरेको जनाइएको छ । 

आगलागीको कारणबारे भने खुल्न नसकेको प्रहरीले जनाएको छ ।