४११ एम्पुल लागुऔषधसहित दुई पक्राउ

विराटनगर । उदयपुर प्रहरीले ४११ एम्पुल (थान) लागुऔषधसहित दुईजना पक्राउ गरेको छ । उदयपुर सदरमुकाम प्रवेश गर्ने मुख्य नाका त्रियुगा नगरपालिका–६ लालपत्ताबाट प्रहरीले मोटरसाइकलमा रहेका दुईजनालाई लागुऔषधसहित पक्राउ गरेको जनाइएको छ ।

प्रहरी चौकी लालपत्ताले चेकजाँचगर्दा सप्तरीबाट उदयपुरतर्फ आउँदै गरेको बा९७प ९५१२ नम्बरको मोटरसाइकलमा सवार त्रियुगा–११ को २८ वर्षीय अमरबहादुर कार्की र त्रियुगा– १२ को २१ वर्षीय चन्द्रबहादुर कार्कीकोसाथबाट डाइजोपाम १३७ एम्पुल र बुप्रिनोर्फिन १३८ एम्पुल र फेनार्गन १३६ एम्पुलसमेत गरी ४११ एम्पुल लागुऔषध बरामद गरेको जिल्ला प्रहरी कार्यालय उदयपुरले जनाएको छ । 

मोटरसाइकलसहित पक्राउ परेका दुवैजनालाई उदयपुर जिल्ला अदालतबाट दिन १० दिनको म्याद थप गरी थप अनुसन्धान सुरु गरिएको जनाइएको छ ।