तेह्रथुमको लालिगुँरास–८ मा कांग्रेसका नगेन्द्र लिम्बु विजयी

तेह्रथुम । तेह्रथुमको नगरपालिका वडा नं ८ को वडाध्यक्षमा नेपाली कांग्रेसका नगेन्द्र लिम्बु निर्वाचित भएका छन् । आइतबार राती सम्पन्न उपनिर्वाचनबाट उनले ४४० मत प्राप्त गर्दै निर्वाचित भएको मुख्य निर्वाचन अधिकृत भीम निरौलाले बताए ।

लिम्बुका निकटतम प्रतिद्वन्द्वी नेकपा एमालेका बुद्धबहादुर लिम्बुले ३६० मत प्राप्त गरे ।

राष्ट्रिय स्वतन्त्र पार्टीका सञ्जिव खड्काले ३८, नेकपा माओवादी केन्द्रका कुमार विश्वकर्माले २६, राष्ट्रिय प्रजातन्त्र पार्टीका रत्न बहादुर श्रीपालीले ४, स्वतन्त्र उम्मेदवार वसन्त लिम्बुले ४ र नेकपा एसका प्रेमबहादुर खड्काले २ मत प्राप्त गरेका छन् ।

२०७९ को निर्वाचनमा वडाध्यक्षमा निर्वाचित नेपाली कांग्रेसका तेजमान लिम्बुको २०८० साल चैत २९ गते निधन भएपछि यहाँ उपनिर्वाचन भएको हो ।