आदर्श बालिकामा दन्त शिविर

विराटनगर । विश्व महिला स्वास्थ्य दिवसको अवसर पारेर मारवाडी महिला मञ्च विराटनगरले आदर्श बालिका विद्यालयमा आयोजना गरेको दन्त शिविरमा १ सय १५ बालिकाहरूको दन्त परीक्षण गरिएको छ । 

नौलखा डेन्टल केयरकी डा नूतन नौलखा लगायतको टिमले बालिकाहरूको  दाँत परीक्षण गरेका थिए । शिविरमा आएका बालिकाहरूलाई ब्रस, पेस्ट एवं बिस्कुट पनि वितरण गरिएको थियो । 

सरिता लालवानीको अध्यक्षतामा आयोजित कार्यक्रममा नेपाल राष्ट्रिय मारवाडी महिला संगठनकी उपाध्यक्ष सरला सेठिया, मारवाडी सेवा समितिका अध्यक्ष गोविन्द झुनझुनवाला, निवर्तमान अध्यक्ष अमिता  पेडिवाल, मञ्चका सल्लाहकार बिन्दु अटल, कार्यक्रम संयोजक सन्जु बाहेतीलगायतको सहभागिता रहेको थियो ।