प्रदेश स्तरीय भारोत्तोलन प्रतियोगिता

विराटनगर । विराटनगरमा जारी कोशी प्रदेश स्तरीय प्रथम भारोत्तोलन प्रतियोगिता बिहीबार सम्पन्न भएको छ । 

कोशी खेलकुद विकास बोर्डले जिल्ला खेलकुद विकास समिति मोरङको संयोजकत्वमा विराटनगरमा भएको प्रतियोगितामा ५५ केजी समूहमा मोरङका अजित राजवंशी प्रथम भए ।

६१ केजी समूहमा झापाका चन्दन मुखिया प्रथम, ६९ केजी समूहमा उदयपुरका रिवेश अधिकारी प्रथम, ७३ केजी समूहमा मोरङका पीयूष राजवंशी प्रथम, ८१ केजी समूहमा मोरङका कपिलेश्वर राजवंशी प्रथम र ८९ केजी समूहमा झापाका प्रशिद्धभक्त राजलवट प्रथम भएका छन् ।

प्रतियोगितामा ५ वटा जिल्लाको सहभागिता रहेको थियो । प्रतियोगिताको प्रथमले २५ सय रुपैयाँ र दोस्रोले २ हजार रुपैयाँ र तेस्रोले १ हजार ५ सय रुपैयाँ प्राप्त गरे ।