मानव सेवा आश्रमलाई १० थान पंखा

विराटनगर । विराटनगर–१० तिनटोलियास्थित मानव सेवा आश्रमलाई माहेश्वरी महिला मञ्च विराटनगरले १० थान पंखा हस्तान्तरण गरेको छ । 

अक्षय तृतीयको अवसर पारेर मञ्चले बिहीबार पंखासहित मानव सेवा आश्रममा आश्रय लिइरहेका व्यक्तिहरूलाई जुस वितरण गरेको मञ्चकी अध्यक्ष पुनम राठीले बताइन् ।

कार्यक्रममा माहेश्वरी युवा मञ्चका अध्यक्ष अजय राठी, अखिल भारत वर्षीय माहेश्वरी महिला संगठन पूर्वाञ्चल उपाध्यक्ष गिरिजा सारडा, मञ्चकी पूर्वअध्यक्ष सुशीला पेडिवाल लगायतका मञ्चका सदस्यहरूको उपस्थिति रहेको थियो ।

कार्यक्रमको संयोजक पुजा सादानीले गरेकी थिइन् ।