सगरमाथा लुम्बिनी इन्स्योरेन्सले मनायो २९औं वार्षिकोत्सव

विराटनगर । सगरमाथा लुम्बिनी इन्स्योरेन्स कम्पनी लिमिटेड (सलिको) ले २९ औं  वार्षिकोत्सव मनाएको छ ।

सो अवसरमा सलिको कोशी प्रदेशका कर्मचारीहरूले विराटनगर–५ स्थित मानव सेवा आश्रममा बिहान १० बजे भोजन कार्यक्रमको आयोजना गरेका थिए । 

कार्यक्रममा आश्रममा बसोबास गरिरहेका ६७ जना आश्रितहरूलाई खाना खुवाइएको थियो, सो अवसरमा कम्पनीका कोशी प्रदेश प्रमुख नारायण गौतमलगायत कर्मचारीहरूको सहभागिता रहेको थियो । 

सगरमाथा लुम्बिनी इन्स्योरेन्स कम्पनी लिमिटेड (सलिको)ले आर्थिक वर्ष २०८१–८२ मा पाँच अर्ब बीमा प्रिमियम संकलन गरेको जनाएको छ ।