खोटाङ सामाजिक सेवा मञ्चमा ‘मार्सेली’

विराटनगर । खोटाङ सामाजिक सेवा मञ्चको १९ औं साधारणसभाले कृष्णप्रसाद भण्डारी ‘मार्सेली’ को अध्यक्षतामा २१ सदस्यीय कार्यसमिति चयन गरेको छ । 

साधारणसभाले तीन वर्षको कार्यकालका लागि वरिष्ठ उपाध्यक्षमा घनश्याम पोखरेल, महिला उपाध्यक्षमा लक्ष्मी पोखरेल, उपाध्यक्षमा फडिन्द्रप्रसाद पराजुली, सचिवमा नारायणप्रसाद पोखरेल, सहसचिवमा झनकुमारी दाहाल सर्वसम्मत चयन भएका छन् । 

त्यसैगरी सदस्यहरूमा हरिप्रसाद घिमिरे, स्वर्णकान्त दाहाल, मेघनाथ रिजाल, बाबु पोखरेल, खिलानाथ निरौला र बाबुराम पोखरेल चयन भएका हुन् ।

विराटनगर–४ गोग्राहा चोकस्थित मञ्चको कार्यालयमा भएको साधारण सभामा कार्यसमिति सदस्य केदारनाथ ढकाललाई उत्कृष्ट काम गरेको भन्दै सम्मान गरेको छ । त्यसैगरी खोटाङकै चिप्रिङकी ८३ वर्षीया सीता राईलाई पनि सम्मानित गरिएको जनाइएको छ ।

कोशी प्रदेश सरकारका सामाजिक विकासमन्त्री पा“चकर्ण राईले मञ्चले खोटाङ जिल्लाको विकासमा पहल गर्नुपर्ने कुरामा जोड दिए । उनले मञ्चले खोटाङको विकासका लागि गरिरहेका गतिविधिको प्रशंसा गरेका थिए ।

साधारणसभालाई बरिष्ठ अधिवक्ता चुडामणि आचार्य, नेकपा एकीकृत समाजवादीका पोलिटव्यूरो सदस्य महेश रेग्मी, प्राध्यापक कविराज नौपाने र मञ्चका पूर्वअध्यक्ष्ँ माधवप्रसाद कोइरालालगायतले शुभकामना दिएका थिए ।