मधेससँग कोशी २२ रनले पराजित, सात विकेट लिने कोशीका विपीन बने म्यान अफ दि म्याच

विराटनगर । विराटनगरमा शनिबारदेखि सुरु भएको नरेश श्रेष्ठ स्मृति वाइवाई अण्डर १९ पुरुष क्रिकेट प्रतियोगिता अन्तरगतको उद्घाटन खेल मधेस प्रदेशले जितेको छ । आयोजक कोशी प्रदेशलाई मधेसले २२ रनले पराजित गरेको हो ।

टस जितेर ब्याटिङ रोजेको मधेसले ४६ दशमलव २ ओभरमा अलआउट हुँदै १८५ रन बनाएको थियो ।

मधेसका लागि मयान यादवले सर्वाधिक ५२ रन जोडे । त्यस्तै साहिल पटेलले ४८ रनको योगदान गरे ।

१८६ रनको लक्ष्य पाएको कोशी प्रदेशले विराटनगर–१९ स्थित गिरिजाप्रसाद कोइराला क्रिकेट रंगशाला (बैजनाथपुर क्रिकेट मैदान) मा उत्कृष्ट लय समातेपनि विकेट टिक्न नसक्दा पहिलो खेलमै पराजय भोग्न पुग्यो ।

मधेसलाई रोक्न कोशी विपिन कुमार महतोले ४२ रन खर्चिएर सर्वाधि सात विकेट लिए । त्यस्तै प्रेम कामतले २ विकेट लिए ।

विपीन आफ्नो टिमको पराजयका वावजुद पनि खेलको म्यान अफ दिन म्याच घोषित भए ।

उनले टिमले राम्रो लय पकड्दा पकड्दै पनि दुईजना ब्याटर रन आउट हुन पुग्दा खेलमा असन्तुलन उत्पन्न भई खराव नतिजा सामना गर्नुपरेको बताए ।