थापा टेबलटेनिस प्रमोटरमा छनोट

विराटनगर । विराटनगरका बिकेन थापालाई विश्व टेबलटेनिस दिवस २०२४ को लागि आईटीटीएफ फाउण्डेसन जर्मनीले प्रमोटरका रुपमा चयन गरेको छ ।

प्रमोटरका लागि विश्वभरबाट परेका दुई सय जना आवेदक मध्येबाट छनोटमा परेका ३२ जनाभित्र थापा परेका हुन् ।

अप्रिल २३ मा विश्व टेबलटेनिस दिवस मनाइन्छ ।

टेबलटेनिसका खेलाडी थापाका अनुसार यो उनको तेस्रो पटकको छनोट हो ।

सो छनोटमा परेका खेलाडीलाई आईटीटीएफ फाउण्डेसन जर्मनीले खेल सामग्री र खेल पवर्द्धनमा सहयोग गर्दै आएको थापाले बताए ।