महानगरद्वारा अनुदानमा गहुँको बीउ वितरण

विराटनगर । विराटनगर महानगरपालिकाले किसानका लागि ५० प्रतिशत अनुदानमा गहुको बीउ वितरण गरेको छ । 

कृषि शाखाका कृषि अधिकृत खगेश्वर तिम्सिनाका अनुसार १० हजार ५२६ किलो बीउ वितरण गरिएको छ । सो बीउले ६० हेक्टर जमिनमा खेती गर्न सकिनेछ ।

महानगर क्षेत्रका २६२ घरधुरीलाई सो उन्नत जातको गहुँको बीउ वितरण गरिएको तिम्सिनाले जानकारी दिए । 

महानगर क्षेत्रभित्र १ हजार ३७५ खेतीयोग्य जमिन रहेमा २५० हेक्टर जमिनमा गहुँ खेती गर्ने गरिएको छ । 

यसअघि महानगरले ५० प्रतिशत अनुदानमा मकै बीउ वितरण गरेको थियो ।