महिला उद्यमी सम्मेलनमा केसीको टोली प्रस्थान

विराटनगर । नेपाल उद्योग वाणिज्य महासंघ लुम्बिनी प्रदेश र सिद्धार्थ उद्योग वाणिज्य संघको समन्वय एवंम् सहकार्यमा आयोजित राष्ट्रिय महिला उद्यमी सम्मेलनमा कोशी प्रदेशबाट सरु केसी नेतृत्वको टोली सहभागी भएको छ ।

नेपालका महिला उद्यमीहरुबाट संचालित उद्योग व्यवसायको विकास, विस्तार एवं प्रवद्र्धनमा सहयोग पु¥याउने उद्देश्यले आयोजित सम्मेलनमा नेपाल उद्योग वाणिज्य महासंघ कोशी प्रदेश कार्यसमिति सदस्य एवं महिला उद्यमी विकास समितिकी सभापति केसीको नेतृत्वमा १५ सदस्यीय टोलीले गएको थियो । सम्मेलन शुक्रबारदेखि सुरु भएको हो ।

उक्त सम्मेलनको अवसरमा कोशी प्रदेशका महिला उद्यमीहरुबाट उत्पादन भएका वस्तुहरु समेत प्रदर्शनीमा राखिएको जनाइएको छ । केसी नेतृत्वको टोलीलाई महासंघ कोशी प्रदेशका कार्यकारी निर्देशक राधारमण भण्डारीले विदाई गरेका थिए ।