संस्थापनसँग वार्ता जारी रहँदा विशेष महाधिवेशन स्थलमा बन्यो नयाँ निर्वाचन समिति

विराटनगर । नेपाली कांग्रेसको विशेष महाधिवेशन पक्षधरले संस्थापन पक्षसँग वार्ता जारी रहेकै बेलामा नयाँ निर्वाचन समिति गठन गरेको छ ।

सभापति शेरबहादुर देउवाले गठन गरेको खम्बबहादुर खाती नेतृत्वको निर्वाचन समिति भंग गर्दै डेमोक्रेटिक लयर्स एशोसिएसन (डीएलए) का अध्यक्ष सीताराम केसीको संयोजकत्वमा पाँच सदस्यीय नयाँ निर्वाचन समिति गठन गरिएको हो । 

मंगलबार बन्दसत्र सुरु हुनासाथ केसीको अध्यक्षतामा निर्वाचन समिति गठन भएको घोषणा गरिएको छ । 

निर्वाचन समितिमा अशोक पोखरेल, गोकर्ण बन्जाडे, आरसी विमल पौडेल, रामचन्द्र गौतम सदस्य रहेका छन् ।

संस्थापन र विशेष महाधिवेशन पक्षधरबिच समिति गठन गरेर वार्ता भइरहेको बेलामा भृकुटीमण्डपमा जारी विशेष केन्द्रीय महाधिवेशनको हलले भने नेतृत्व चयनको प्रक्रिया अगाडि बढाउने संकेत गर्दै निर्वाचन समिति गठन गरेको हो ।