Biratnagar, Morang, Nepal
२१ चैत २०८१, बिहिवार
+977 21 450305, 515728, 578305
समाज

सप्तरी प्रहरीद्वारा सात क्विन्टल गाँजा बरामद

उद्‌घोष सम्वाददाता
२८ माघ २०८१, सोमवार

सप्तरी । भारततर्फ तस्करी गर्न लागिएको ठूलो परिमाणको गाँजा सप्तरी प्रहरीले बरामद गरेको छ । मध्यरातमा हुलाकी मार्ग हुँदै दुई वटा स्कार्पियो गाडीमा ओसार्दै गरेको अवस्थामा ७ क्विन्टल ११ केजी गाँजा सप्तरीको बोदेबर्साइन नगरपालिका–३ बाट नियन्त्रणमा लिइएको प्रहरी जनाएको छ ।

शुक्रबार विहानको राति करिब साढे १ बजे सप्तरीको प्रहरी चौकी मौवाहाको टोलीले उक्त गाँजा र एउटा स्कार्पियो गाडी नियन्त्रणमा लिएको हो । 

बोदेबर्साइन–३ को हुलाकी मार्गमा दुई वटा गाडीबाट गाँजा झार्दै गरेको अवस्थामा प्रहरीले देखेको थियो । प्रहरीलाई देख्नासाथ नम्बर नखुलेको एउटा स्कार्पियो गाडी र चालक भागेका थिए । 

कारोवारीहरूले छोडेको  प्रदेश १ ०२ ००२ च ५८३४ नम्बरको अर्को स्कार्पियो गाडी र गाँजा भने प्रहरीले नियन्त्रण लिन सफल भएको थियो । उक्त गाँजा भारततर्फ तस्करी गर्न लागेको हुन सक्ने प्रहरीले आशंका गरेको  छ ।

रातिको समय भएकाले कारोबारीहरूलाई  पक्राउ गर्न नसकेपनि गाडी र गाँजा भने बरामद गर्न सफल भएको सप्तरीका प्रहरी उपरीक्षक ढकेन्द्र खतिवडाले बताए ।

बरामद भएको गाँजा र गाडीबारे अनुसन्धान भैरहेको प्रहरीले जनाएको छ ।

चार महिनाको अवधिमा सप्तरी प्रहरीले करिब ३४ क्विन्टल गाँजा बरामद गरिसकेको प्रहरी उपरीक्षक खतिवडाले जानकारी दिए ।

View : 247

Copyright © 2023 -2025. Udghosh Daily. All Rights Reserved