हाजिरीजवाफमा टेस्ला समूह प्रथम

विराटनगर । विराटनगर–५ स्थित एभरेष्ट कलेजमा बिहीबार सम्पन्न हाजिरिजवाफ प्रतियोगितामा कक्षा १२ को टेस्ला समूह प्रथम भएको छ ।

६ वटा समूहबीच भएको फाइनल स्पर्धामा कक्षा १२ का सामिप्य रुपाकोटी, रिसभ निरौला र नेहा ढकाल रहेको  टेस्ला समूह प्रथम भएको हो ।

यस्तै कक्षा १२ का सन्देश काफ्ले, कक्षा ११ का आशुदीप खड्का र रबिनुर घिमिरे रहेको प्यासिओली समूह द्वितीय भएको छन् भने कक्षा ११ का केसिका श्रेष्ठ, शंकर यादव र दुर्गेश मण्डल रहेको फ्रयाङ्कलिन समूह तृतीय झएको विद्यालयकी अतिरिक्त त्रियाकलाप इञ्चार्ज सुधा डंगोलले बताइन् ।

गत बिहीबार कक्षा ११ र १२ को विज्ञान संकायका ६ र व्यवस्थापन संकायका ५ वटा समूबीच भएको प्रतिष्पर्धाबाट छनोट भई ६ वटा समूह फाइनल प्रवेश गरेका थिए । ती समूहबीचमा राष्ट्रिय अन्तर्राष्ट्रिय, मिक्स्डब्याक, खेलकुद, अडियो भिजुअल र  र्‍यापिड फायर गरि ६ वटा राउण्डबाट प्रश्न सोधिएको थियो ।

विजेताहरुलाई एक विशेष कार्यक्रमका बीच पुरस्कार वितरण गरिने बताइएको छ ।