एस्पायर कलेजका जीपीए ४ ल्याउने विद्यार्थी सम्मानित

विराटनगर । विराटनगर–१४ मा सञ्चालित एस्पायर कलेजले गत मार्चमा लिएको बिटेक एडआईटी र बीपीएच प्रथम र तृतीय सेमेस्टरका परीक्षामा जीपीए ४ प्राप्त गर्ने ६ जना विद्यार्थीलाई सम्मान गरेको छ ।

बीपीएच तेस्रो सेमेस्टरमा ४ जीपीए प्राप्त गर्ने विद्यार्थीहरू लिया खवास, सुगन्ध रेग्मी र समीर लावती, बीपीएच प्रथम सेमेस्टरका विद्यार्थी असिम ढकाल, बिटेकएआईटी कार्यक्रमको प्रथम र तृतीय सेमेस्टरमा जीपीए ४ प्राप्त गर्ने विद्यार्थीहरू क्रमशः जीया फत्मा र गौरव दाहाललाई सम्मान गरेको हो ।

कार्यक्रममा कलेजका प्रमुख सीएम बस्नेत, कलेजकी शैक्षिक संयोजक प्रितिका बस्नेत, कलेजका अध्यक्ष विकाश अधिकारीलगायतले एस्पायर कलेजले विद्यार्थीको सर्वाङ्गीण विकासका लागि कुनै कसर बाँकी नराख्ने बताए ।