मोरङमा सशस्त्रका डीएसपी झुन्डिएको अवस्थामा फेला

विराटनगर । मोरङमा सशस्त्र प्रहरीका प्रहरी नायब उपरीक्षक उपेन्द्र बस्याल सोमबार दिउँसो झुन्डिएको अवस्थामा फेला परेका छन् । 

डीएसपी बस्याल धनपालथान गाउँपालिका–३ स्थित बीओपी (बोर्डर आउट पोस्ट) सोराभागका प्रमुख रहेका डिएसपी बस्याल मृत फेला परेको प्रहरी स्रोतले जनाएको छ ।

कार्यालयभित्रै डोरीको पासो लगाएर झुन्डिएको अवस्थामा उनको शव भेटिएको हो । घटनाको अनुसन्धानका प्रहरी घटनास्थल पुगिसकेको जनाइएको छ ।

पाल्पा सदरमुकाम तानसेन घर भएका बस्याल पाँच महिनादेखि उक्त विओपीमा कार्यरत रहेका थिए ।

उनी १८ बर्षअघि आजैकै दिन सशस्त्र प्रहरी बल सेवामा प्रवेश गरेका थिए ।