रंगेलीमा बाँसको सामग्री बनाउने तालिम सम्पन्न

विराटनगर । गृह श्रमिक सिर्जनशील महिला समाज रंगेली–६को आयोजनामा बाँसको आधुनिक सामग्री निर्माण सम्वन्धी एकमहिने सीपमुलक तालिम शुक्रबार एक कार्यक्रमका बीच समापन गरिएको छ । 

रंगेलीमा भएको कार्यक्रममा कोशी प्रदेशसभा सदस्य यसोदा कायस्थ, रंगेली नगरपालिकाकी  उपप्रमुख भुमाकुमारी पराजुली, कोशीका मुख्यमन्त्रीका आर्थिक सल्लाहकार डा मोहनकुमार सुवेदी र समाजकी अध्यक्ष शान्ता श्रेष्ठले सहभागीहरूलाई प्रमाणपत्र वितरण गरेका थिए । 

तालिममा सहभागीलाई गोपाल तामाङले प्रशिक्षण दिएका थिए । तालिममा २० जना सहभागी थिए । 

एक महिना अघि विराटनगरमा पनि बाँसको सामग्री निर्माण सम्वन्धी सीपमूलक तालिम दिनेशभक्त श्रेष्ठको नेतृत्वमा सञ्चालन गरिएको थियो ।