लागुऔषधसहित मेडिकल सञ्चालक पक्राउ

विराटनगर । मोरङको केरावारी गाउँपालिका–७ स्थित मुगु मेडिकलबाट प्रतिबन्धित लागुऔषधसहित मेडिकल सञ्चालक बेलबारी नगरपालिका–८ का २८ बर्षीय मनिष कुँवरलाई प्रहरीले पक्राउ गरेको छ । 

मंगलबार बिहान मेडिकलबाट प्रतिबन्धित लागुऔषधको कारोबार भइरहेको भन्ने विशेष सूचनाको आधारमा इलाका प्रहरी कार्यालय केराबारी र लागुऔषध नियन्त्रण ब्युरो विराटनगरबाट प्रहरी टोली खटिएको थियो । 

उक्त मेडिकल खानतलासी गर्दा लुकाई छिपाई राखेको अवस्थामा डिकोलिक ४ हजार ५ सय ट्याब्लेट र ट्रामाडोल ४ हजार ५ सय ट्याब्लेट बरामद गरेको  जिल्ला प्रहरी कार्यालय मोरङले जनाएको छ ।