विपी कोइराला स्वास्थ्य विज्ञान प्रतिष्ठान परिसरभित्रै भेटियो महिलाको शव

विराटनगर । धरानस्थित विपी कोइराला स्वास्थ्य विज्ञान प्रतिष्ठान परिसरभित्रै एक महिलाको शव फेला परेको छ ।

धरान उपमहानगरपालिका– १८ स्थित प्रतिष्ठान परिसरभित्र बरको रूख नजिकै महिलाको शव भेटिएको प्रहरीले जनाएको छ ।

घटनास्थलमा पुगेको प्रहरीले शव कसरी त्यहाँ आयो र कसको हो भनेर अनुसन्धान अघि बढाएको जनाइएको छ ।

शव भेटिएको स्थान वरपर तालिमप्राप्त कुकुर समेत लगेर अनुसन्धान भइरहेको प्रहरीको भनाई छ ।

प्रहरीका अनुसार महिलाको उमेर करीव २५ वर्ष जति देखिने जनाइएको छ । उनको घाँटीमा धारिलो हतियारको चोट रहेको पनि जनाइएको छ ।