हिसान बास्केट बलको उपाधि बीकेभीएमलाई

विराटनगर । हिसान खेलकुद महोत्सवको १२ औं संस्करण अन्तरगत भएको बास्केट बल प्रतियोगिताको उपाधि बीकेभीएम स्कुलले हात पारेको छ ।

दिल्ली पब्लिक स्कुलमा भएको प्रतियोगितामा बीकेभीएमले शिक्षादीप कलेजलाई ७४–२८ को अंकले पराजित गरी उपाधि हात पारेको हो । फाइनल खेलको उत्कृष्ट खेलाडी बीकेभीएमका आकाश चौधरी घोषित भए ।

मंगलबार भएको दौडमा अर्किड कलेजले १ सय मिटरको छात्र एवम् छात्राको  दौड र २ सय मिटर छात्राको दौडमा प्रथम स्थान हात पारेको छ  ।  मेरिल्याण्ड कलेजले २ सय मिटर छात्रको दौडमा प्रथम भएको छ ।

१ सय मिटर दौडतर्फ छात्रमा अर्किडका महमद सहमदले प्रथम स्थान हासिल गर्दा मेरिल्याण्डका राजकुमार चन्द्रवंशी दोस्रो र शिक्षादीपका निश्चल श्रेष्ठ तेस्रो भए । सोही स्पर्धातर्फ छात्रामा अर्किडकी पियङ्का थन्दार प्रथम, शिक्षादीपकी नेहा मण्डल दोस्रो र कान्तिपुरकी भूमिका चौधरी तेस्रो भइन् ।

त्यसैगरी २ सय मिटर दौडको छात्रतर्फ मेरिल्याण्डका राजकुमार चन्द्रवंशी प्रथम, कान्तिपुरका नितिस राजवंशी दोस्रो र शिक्षादीपका सुमित आर्या तेस्रो भए भने छात्रातर्फ अर्किडकी समीक्षा आचार्य, प्रथम, सिद्धार्थकी तुलसा खतिवडा दोस्रो र चाहाना पोखरेल तेस्रो भइन् ।