पाल्पामा जीप खस्यो खोलामा, ६ जनाको मृत्यु

काठमाडौं : पाल्पाको पर्यटकीय क्षेत्र रानीमहल जान बैकुण्ठे पहाड छिचोलेर अघि बढेको एउटा जिप बराङ्ग्दी खोलामा खस्दा ६ जनाको मृत्यु भएको छ । आइतबार अपरान्ह भएको दुर्घटनामा जीपका चालक घाइते भएका छन् । 

दुर्घटनामा परी मृत्यु हुनेमा तीन महिला, दुई बालक र एक पुरुष रहेको प्रहरीले जनाएको छ । मृतकहरुको पहिचान खुल्न बाँकी छ ।

जिल्ला प्रहरी कार्यालय पाल्पाका प्रहरी प्रमुख हेरम्ब शर्माका अनुसार घटनास्थलमा अस्थायी प्रहरी चौकी रानीघाट र जिल्लाबाट खटिएको प्रहरी, सशस्त्र प्रहरी र नेपाली सेनाको टोलीले घाइतेहरुको उद्दार गरेको छ । बराङ्ग्दी खोलाको खोचमा जिप दुर्घटना भएका कारण उद्दारमा कठिनाई भएको जनाइएको छ ।

सदरमुकाम तानसेनदेखि १३ किलोमिटरको दुरीमा रहेो रानी महल पुग्न दुई बाँकी हुँदा जिप दुर्घटनामा परेको जनाइएको छ ।