एभरेष्टमा नृत्य प्रतियोगिता

विराटनगर । तीजको अवसरमा विराटनगर– ५ स्थित एभरेष्ट सेकेण्डरी स्कुलले नृत्य प्रतियोगिताको आयोजना गरेको छ ।

स्कुलमा अध्ययनरत नर्सरीदेखि कक्षा १ सम्मका विद्यार्थीले प्रतियोगितामा भाग लिएको मन्टेश्वरी इञ्चार्ज मेलिना ओलीले जानकारी दिइन् ।

प्रतियोगितामा नर्सरीदेखि कक्षा १ सम्मका १ सय ६ जना विद्यार्थी सहभागी  रहेको ओलीले बताइन् ।

विजेता हुने विद्यार्थीलाई स्कुलमा भब्य कार्यक्रमको आयोजना गरेर पुरस्कार तथा सम्मान गर्ने स्कुलले जनाएको छ ।