कटहरीका किसानलाई ट्रेलर वितरण

विराटनगर । मोरङको कटहरी गाउँपालिकाले किसानलाई खेत जोत्न प्रयोग हुने मिनि ट्रेलर वितरण गरेको छ । 

गाउँपालिकाले ५० प्रतिशत अनुदानमा १३ जना किसानलाई ट्रेलर वितरण गरेको हो । 

बिहीबार पालिका परिसरमै किसानलाई भेला गरेर गाउँपालिकाले ट्रेलर वितरण गरेको छ । 

कार्यक्रमकम प्रदेशसभा सदस्य ललिता चौधरी,गाउँपालिकाका अध्यक्ष देवराज चौधरी र उपाध्यक्ष सीतादेवी चौधरीले किसानहरूलाई ट्रेलर हस्तान्तरण गरे । 

किसानको ५० प्रतिशत तथा प्रदेश सरकारबाट प्राप्त सशर्त अनुदान रकमबाट ५० प्रतिशत छुटमा किसानलाई ट्रेलर उपलब्ध गराईएको कटहरी कृषि शाखा प्रमुख केशवराज काफ्लेले जानकारी दिए ।

वितरण गरिएको उपकरणबाट किसानहरूलाई तरकारी सहितको नगदेबालीको खेती लगाउन सहज हुने कटहरीका अध्यक्ष देवराज चौधरीले बताए ।