हार्दिक सहकारीद्वारा कौशी खेती तालिम

विराटनगर । हाम्रो हार्दिक बचत तथा ऋण सहकारी संस्था विराटनगर–९ ले तीनदिने कौशी खेती तालिम सम्पन्न गरेको छ ।

लीना उपाध्यायको अध्यक्षतामा भएको सो तालिमको समापन कार्यक्रममा वडाध्यक्ष विश्वनाथ भगत, विराटनगर महानगरपालिका कृषि महाशाखा प्रमुख प्रवीण पराजुली, नार्कका अबकास प्राप्त कृषिविज्ञ गोबिन्द कोइरालालगायतको उपस्थिति थियो ।

२५ जना सहभागी तालिममा सागर भट्टराई र गोबिन्द गुरूङले प्रशिक्षण दिएका थिए । सो अवसरमा सहभागीलाई कौशी खेती शुरूवातमा चाहिने कृषि सामग्री अन्तर्गत कोकोपिट, मलखाद, बीउ बीजन, फलफूलका विरूवालगायत वितरण गरिएको अध्यक्ष उपाध्यायले बताइन् ।

तालिममा वडा नं ९ का अतिरिक्त छिमेकी वडा ८, १०, ११ र १२ का प्रशिक्षार्थी सहभागी थिए ।