लेटाङमा सिटी सफारी दुर्घटना हुँदा एकको मृत्यु

विराटनगर । मदन भण्डारी लोकमार्ग अन्तरगत मोरङको लेटाङ नगरपालिका–५ मा मंगलबार दिउँसो सिटी सफारी दुर्घटना हुँदा एकजनाको मृत्यु भएको छ ।

मंगलबार दिउँसो पौने दुई बजेतिर भएको दुर्घटनामा सिटी सफारीमा सवार लेटाङ–४ का ३२ वर्षीय जनम तामाङको मृत्यु भएको जिल्ला ट्राफिक प्रहरी कार्यालय विराटनगरले जनाएको छ । 

गम्भीर घाइते भएका तामाङलाई उपचारका लागि विराटनगरस्थित विराट नर्सिङ होम ल्याइएकोेमा उपचारकै क्रममा चिकित्सकले मृत घोषणा गरेका थिए । 

सिटी चालक लेटाङ–४ का ३९ वर्षीय भीषण राई भने सामान्य घाइते भएको जनाइएको छ । उनको लेटाङकै एड्भान्स अस्पतालमा उपचार भइरहेको र प्रहरीको निगरानीमा रहेको जनाइएको छ । 

घटनाको थप अनुसन्धान भइरहेको प्रहरीले जनाएको छ । दुर्घटनाको कारण खुल्न सकेको छैन ।