अज्ञात समूहद्वारा घरमा आगजनी

भोजपुर । भोजपुरको अरुण गाउँपालिका–४ चरम्बीस्थित रणबहादुर भुजेलको घरमा गए राति अज्ञात समूहले आगजनी गरेको छ । 

आगलागीबाट तीन तले घर, काठका सामग्री, दुईवटा मोटरसाइकल, मकैलगायत करिब १७ लाख मूल्य बराबरको क्षति भएको अस्थायी प्रहरी चौकी चरम्बीका  प्रहरी सहायक निरीक्षक ओम थापाले जानकारी दिए । 

आइतबार बिहानको राति घरमा सुतेको अवस्थामा अचानक आगलागी भएपछि स्थानीयले होहल्ला गरेपश्चात घर परिवारका सदस्य, स्थानीय, प्रहरी लगायतले आगो निभाएका थिए । 

आगलागी नयाँ घरमा भएको थियो भने घर परिवारका सदस्य पुरानो घरमा बस्दै आएका छन् । 

घटनाको बारेमा अनुसन्धान जारी रहेकोसमेत असई थापाले जानकारी दिए ।