स्काउटको कार्यकारी समितिमा कोशीबाट पाँच आयुक्त नियुक्त

विराटनगर । नेपाल स्काउटको राष्ट्रिय कार्यकारी समितिमा कोशी प्रदेशबाट सहप्रमुख आयुक्तसहित पाँच जना आयुक्त नियुक्त भएका छन् ।

गत माघ २७ गते भएको निर्वाचनमा निर्वाचित भएका स्काउटका ५६ जना राष्ट्रिय परिषद् सदस्यमध्येबाट नेपाल स्टाउटका प्रमुख एवं युवा तथा खेलकुद मन्त्री डिगबहादुर लिम्बूले आइतबार प्रमुख आयुक्त, सहप्रमुख आयुक्त र १३ जना आयुत्त नियुक्त गरेका हुन् ।

कोशी प्रदेशबाट नियुक्त  हुनेमा किरण गिरी सह–प्रमुख आयुक्त (पुरुष विभाग), भुवन सुब्बा शैक्षिक पद्दति आयुक्त (महिला विभाग), सुर्दशन भट्टराई राष्ट्रिय सामुदायिक विकास आयुक्त तथा रवि खनाल र नवलप्रसाद उफाध्याय राष्ट्रिय कार्यकारी समिति सदस्य (आयुक्त) मा नियुक्त भएका हुन् ।

स्काउटको राष्ट्रिय कार्यकारी समितिको प्रमुख आयुक्तमा भने बाग्मती प्रदेशका महेन्द्रराज रञ्जितलाई नियुक्त गरेका छन् ।

सह–प्रमुख आयुक्त (महिला विभाग)मा इन्दु सुवेदी, अन्तर्राष्ट्रिय आयुक्त (पुरुष विभाग) मा देवराज घिमिरे, राष्ट्रिय शैक्षिक पद्दती आयुक्त (पुरुष विभाग) मा सन्तोषकुमार थापा र राष्ट्रिय सुशासन, श्रोत विकास तथा विक्त आयुक्तमा गुनाखर गैरे नियुक्त भएका छन् ।

यस्तै अन्तर्राष्ट्रिय आयुक्त (महिला विभाग)मा स्मृति बराल, राष्ट्रिय कार्यकारी समिति सदस्यहरूमा (आयुक्तहरू) मा गणेश भण्डारी, काशीराम जैशी, आर्शीवाद सुवेदी र शिवराम अर्याल नियुक्त भएका छन् ।