दुईदिने साउन मेला सुरु

विराटनगर । माहेश्वरी महिला मञ्च विराटनगरको आयोजनामा दुई दिने साउन मेला शुक्रबार विराटनगरमा सुरु भएको छ । मेलाको उद्घाटन विराटनगर महानगरपालिकाका मेयर नागेश कोइरालाले गरेका छन् ।

अतिथि सदनको शिवकुञ्ज हलमा सुरु भएको दुई दिने साउन मेलामा खाद्य, कपडा, बेकरी, ज्वेलरी तथा घरका लागि उपयोगी विभिन्न सामग्रीहरूको स्टल राखिएको छ । मेलामा साँझ नृत्य तथा सांगीतिक कार्यक्रम पनि हुने आयोजक माहेश्वरी महिला मञ्च विराटनगरकी अध्यक्ष ललिता जाजूले जानकारी दिइन् ।

मेला उद्घाटन कार्यक्रममा विराटनगर माहेश्वरी समाजका अध्यक्ष घनश्याम काबरा, अखिल भारत वर्षीय महेश्वरी महिला संगठन पूर्वाञ्चल उपाध्यक्ष गिरिजा सारडालगायतले शुभकामना दिएका थिए । कार्यक्रममा अखिल भारत वर्षीय महेश्वरी महासभाका सदस्य बजरंग बाहेती, नेपाल माहेश्वरी परिषद् पूर्वाञ्चल उपाध्यक्ष आनन्द जाजूलगायतको उपस्थिति रहेका थियो ।