स्ववियू खेलकुद सप्ताह सुरू, उद्घाटन खेलमा बीए विजयी

विराटनगर । स्वतन्त्र विद्यार्थी युनियन महेन्द्र मोरङ क्याम्पस विराटनगरको आयोजनामा अन्तर संकाय स्ववियु खेलकुद सप्ताह आइतबारबाट सुरु भएको छ । उद्घाटन खेल अन्तर्गत भएको फुटबलमा बीपीएलाई शून्यका विरुद्ध ११ गोल गरी बीए समूह विजयी भएको छ । सो खेलमा बीए कार्यक्रम समूहका अंकित विष्ट उत्कृष्ट खेलाडी घोषित भए ।

विराटनगर महानगरपालिकाका मेयर नागेश कोइरालाले उद्घाटन गरी सुरु भएको स्ववियु खेलकुद सप्ताहको पहिलो दिनमा फुटबलका अतिरिक्त कपर्दी, क्रिकेट, भलिबल गरी चार खेल भएको स्ववियु सचिव सनिम ठकुरीले बताए । जसमा क्रिकेटतर्फ बीबीएस र  बीबीएमबीच भएको खेलमा बीबीएस विजयी भएको छ । 

यस्तै कपर्दीतर्फ पहिलो खेलमा बीबीएस र बीएससीबीच भएको खेलमा बीबीएस विजयी भएको छ ।  दोस्रो खेलमा बीबीए र बीसीएबीच भएको खेलमा बीबीए विजयी भएको छ ।

भलिबल छात्रतर्फ बीए र बीएडबीच भएको खेलमा बीए कार्यक्रम समूह विजयी भएको छ । यस्तै छात्रातर्फ पहिलो खेलमा बीबीए र बीएससीबीच भएको प्रतियोगितामा  बीबीए र  दोस्रो खेलमा बीबीएम र बीबीएसबीच भएको प्रतियोगितामा बीबीएस समूह विजयी भएको सचिव ठकुरीले बताए ।