टेस्टीटेस्टी हाजिरीजवाफमा एभरेष्ट स्कुल प्रथम

विराटनगर । विराटनगर जुनियर जेसीजले आयोजना गरेको अन्तरविद्यालय टेस्टीटेस्टी हाजिरीजवाफ प्रतियोगितामा विराटनगरको एभरेष्ट स्कुल प्रथम भएको छ । प्रतियोगितामा जनता मावि इटहरी द्वितीय र सगरमाथा स्कुल विराटनगरले तृतीय स्थान प्राप्त गरेका छन् । 

विजेता विद्यालयलाई  विराटनगर महानगरपालिकाका मेयर नागेश कोइराला, काबरा ग्रुपका प्रबन्ध निर्देशक नवलकिशोर काबरा, श्याम काबरा, प्रतियोगिता सञ्चालक (क्वीज मास्टर) डा.सन्देशदास श्रेष्ठ, आयोजक संस्थाका अध्यक्ष गौरव कर्णलगायतले  पुरस्कार, ट्रफी र प्रमाणपत्र प्रदान गरेका थिए । प्रतियोगिताको फाइनलमा ६ वटा विद्यालयबीच प्रतिस्पर्धा गराइएको कार्यक्रम संयोजक श्रीयम सुवेदीले जानकारी दिए ।

जुनियर जेसीजले वर्षौदेखि टेस्टीटेस्टी बिस्कुटको प्रायोजनमा  हाजिरी जवाफ प्रतियोगिता गर्दै आएको छ ।