चिकित्सक संघको पद हस्तान्तरण

विराटनगर । नेपाल चिकित्सक संघ, कोशी प्रदेश समितिको नयाँ नेतृत्वको पदस्थापन समारोह सम्पन्न भएको छ ।

कोशी प्रदेशका मुख्यमन्त्री हिक्मतकुमार कार्की, विराटनगरका मेयर नागेश कोइराला लगायतको उपस्थितिमा नयाँ पदाधिकारी एवम् सदस्यहरूलाई प्रमाणपत्र वितरणसहित पदस्थापना कार्यक्रम सम्पन्न भएको हो । 

नवगठित १३ सदस्यीय समितिको अध्यक्षमा डा राजेन्द्र चौधरी, वरिष्ठ उपाध्यक्षमा डा. नवीनकुमार कर्ण, उपाध्यक्षमा डा शिलावन्त सेन श्रीवास्तव, महासचिवमा डा. बालकृष्ण साह, सहसचिवमा डा. रामकुमार यादव, कोषाध्यक्षमा डा. सुनिल रेग्मी र सहकोषाध्यक्षमा डा. तेजेन्द्र कार्की छन् ।

सदस्यहरूमा डा. कोपिला अग्रवाल, डा. प्रेक्षा दली, डा. अमरकुमार यादव, डा. रितेशकुमार सिंह, डा. जीवनाथ धमला र डा. राजाबाबु मण्डल छन् । सो अवसरमा अध्यक्ष फरवार्ड सिलवालले नयाँ नेतृत्वलाई पद हस्तान्तरण गरेका थिए ।