सवारी दुर्घटनाबाट चार जनाको मृत्यु

विराटनगर । झापा, सुनसरी र उदयपुर जिल्लाहरूको छुट्टाछुट्टै स्थानमा भएका सवारी दुर्घटनामा चारजनाको मृत्यु भएको छ । 

झापा कन्काई नगरपालिका–८ लक्ष्मीपुरस्थित पुर्वपश्चिम लोकमार्गमा ना. ४ च ४०८४ नम्बरको गाडीले बाटो काट्दै गर्दै गरेका ६५ बर्षीय गर्वसिंह राईलाई ठक्कर दिंदा उनको उपचारका क्रममा मृत्यु भएको हो । घाईते भएका उनको उपचारको क्रममा बिर्तासिटी अस्पतालमा मृत्यु भएको जनाइएको छ ।

सुनसरीको इनरुवा नगरपालिका–६ स्थित पुर्वपश्चिम लोकमार्गमा नम्बर नखुलेको सवारी साधनले ठक्कर दिंदा घाईते भका ९३ बर्षीय अमर बहादुर अधिकारीको उपचारका लागि इनरुवा अस्पताल लगिएकोमा अस्पताल पुर्याउनासाथ मृत्यु भएको जनाइएको छ ।

हरिनगर गाउँपालिका–४ स्थित भित्री सडक खण्डमा को. १ ख ६४३१ नम्बरको टिपरको ठक्करबाट साइकलयात्री देवानगञ्ज गाउँपालिका–७ का ५० बर्षीय झलु उरावको घटनास्थलमै मृत्यु भएको जनाइएको छ ।

उदयपुरको त्रियुगा नगरपालिका–१० बोक्सेमा बा. प्र.०१–००६ ख ५८७१ नम्बरको हायसको ठक्करबाट घाइते भएका पैदल यात्री त्रियुगा नगरपालिका–११ का ५५ बर्षीय परनसेर राईको उपचारको क्रममा जिल्ला अस्पताल उदयपुरमा मृत्यु भएको छ ।