ट्राफिक प्रहरीलाई रिफलेक्टिभ पेटी

विराटनगर । मारवाडी युवा दिवसको अवसरमा आयोजित साताव्यापी कार्यक्रम अन्तर्गत मोरङ ट्राफिक प्रहरीलाई राति प्रकाश परिवर्तन गर्ने पेटी प्रदान गरिएको छ ।

मारवाडी युवा मञ्च विराटनगरका अध्यक्ष मोहित लालवानीको अध्यक्षतामा आयोजित कार्यक्रममा मारवाडी सेवा समितिका अध्यक्ष गोविन्द झुनझुनवालाले मोरङ जिल्लाका ट्राफिक प्रमुख सन्तोष नेउपानेलाई पेटी हस्तान्तरण गरे ।

अध्यक्ष लालवानीले जाडोयाम बढेसँगै सो पेटीले राति हुस्सु लागेको बेला मद्दत पुर्याउने बताए । 

कार्यक्रममा युवा मञ्चका सल्लाहकार कुमोद गोयललगायत युवा सदस्यहरुको सहभागीता थियो । 

यसैगरी मञ्चले विराटनगर महानगर क्षेत्रमा जाडोको कारण पीडित बनेका पीडित विपन्न वर्गलाई न्यानो कपडा, कम्बल वितरण गरेको छ ।